Welcome To Narayana Astrology centre

ஜோதிடம் என்பது வானியல் (கிரகங்களின் அசைவுகள்) மற்றும் கணிதத்தின் அடிப்படையில் உருவான ஒரு தெய்வீக சாஸ்திரம் ஆகும். இந்த தெய்வீக சாஸ்திரத்தின் மூலம் ஒருவரின் எதிர்காலத்தை பற்றி அறியவும்; திருமணம், தொழில் தொடங்குவது போன்ற முக்கிய நிகழ்வுகளுக்கு சரியான நேரத்தை கணித்து சொல்லவும் முடியும்.
ஒரு சிலர் இருசக்கர வாகனங்களில், சற்று வேகமாக பயணித்தாலும் அவர்களுக்கு எந்த விதமான பாதிப்புக்களும் ஏற்படுவதில்லை.. ஆனால் ஒரு சிலர் இதே இருசக்கர வாகனங்களில் மிதமான வேகத்தில் பொறுப்புடன் பயணித்தாலும்; எதிரே நிலை தடுமாறி தாறு மாறாக வரும் சில வாகனங்களால் மோதப்பட்டு அந்த இடத்திலேயே உயிரிழக்கின்றனர்.
இவற்றையெல்லாம் வைத்து பார்க்கும் போது ஒன்று மட்டும் தெள்ளத்தெளிவாக புரிகிறது. நாம் எல்லோரையும் கட்டுப்படுத்தும் ஏதோ ஒரு சக்தி இப்பிரபஞ்சத்தில் உள்ளது. ஆம்..!! அது தான் இறைசக்தி....!!!! எல்லாம் வல்ல அந்த இறைவன் தான் நவக்கிரகங்களின் வாயிலாக நம் ஒவ்வொருவரையும் இயக்குகின்றார் என்பது அடியேனின் கருத்தாகும். எல்லாம் வல்ல அந்த இறைசக்தியை நாம் நேரிடையாக உணர முடியாவிட்டாலும் நவகிரகங்களின் நிலைகளை நாம் தெளிவாக தெரிந்து கொள்ள முடியும். இது தான் ஜோதிடத்தில் மறைந்திருக்கின்ற மிகப் பெரிய சூட்சமம்.